211

૨૧૧ - પવિત્રાત્માને આમંત્રણ

૨૧૧ - પવિત્રાત્માને આમંત્રણ

૧	જીવનદાતા, પવિત્ર આત્મા, અમમાં વસવા આવો રે;
	પચાસમાના બળવાન આત્મા, કરુણા અમ પર લાવો રે.
૨	પચાસમે દિન જેમ પધાર્યા, બળ તેવું તો ધરજો રે;
	તરસ્યા થઈને અમો તલપી એ, વૃષ્ટિ ભારે કરજો રે.
૩	સચેત કરવા વહેલા પધારો, મંદ ગતિ થઈ છે ભારી રે;
	નબળી હાલત નાથ અમારા, થશે ન તમ વણ સારી રે.
૪	જાગ્રત કરજો, જાગ્રત કરજો, વહેલા વહેલા અમને રે;
	આત્મિક શણગાર પે'રાવો અમને, કરગરીએ છીએ તમને રે.
૫	મનડાનો તો મેલ અમારો અગ્નિ થઈને બાળો રે;
	અજવાળું અંરરમાં પાડી અંધારાને ટાળો રે.
૬	ઈસુ તણું જે રૂપ મનોહર, તેના જેવા કરજો રે;
	પરાક્રમી કરજે, ઓ સ્વામી, નિર્બળતાનો હરજો રે.