SA365

	ટેક - સિપાઈ થવા હામ ધરી એકલા રહો સ્થિર, મનથી ખ્રિસ્તનું કામ કરીને થજો સત શુરવીર.
૧	દેવનું કામ કરવાને માટે સદા રાખો ધીર; ચાલો સ્વર્ગની સીધી વાટ ને થાજો સત શુરવીર !
૨	બે મનવાળા હારે છે, વાગે જ્યારે તીર; પોતાને સંભાળે તે થાયજ નહિ શુરવીર.
૩	શત્રુઓ તો ઘણાં છે, થશો મા દિલગીર; દેવથી તેઓ હણાશે, જો થશો સત શુરવીર !
૪	ફોજની ધજા ઊડાવો, હૈયે રાખો હીર, શત્રુઓને હરાવો રે થજો સત શુરવીર !
૫	દાનિયેલ જેવા સ્થિર રહો લડજો સાટે શિર, સૌને ખ્રિસ્તની વાત કહો, રે થજો સત શુરવીર!