474

૪૭૪ - યુવકને હાકલ

૪૭૪ - યુવકને હાકલ

	કર્તા: આયમન પી. અભિલાષી
ટેક:	હે યુવાન, હે યુવાન, શું યુદ્ધમાં નોંધાવ્યું તારું નામ?
	યુદ્ધ છે કરવાનું શેતાન, જગ સાથે, એમાં છે ઈસુ આગેવાન.
૧	આ બેધારી તલવાર લે, વિશ્વાસની ઢાલ પણ છે;
	પે' ર પગરખાં શાંતિનાં..... હે.
૨	તું કમરબંધ બાંધી દે, ટોપ તારણનો માથે લે;
	સજ્જ થા બખ્તર સજીને...... હે.
૩	જેઓ યુદ્ધમાં ટકી રહે, પાપ, શેતાનને દાબી દે;
	સ્વર્ગી તાજ તેને મળશે....... હે.
૪	શું તું યુદ્ધમાં એકલો છે ? માગ પવિત્ર આતાને;
	પ્રભુ તુજને તે દેશે..... હે.
૫	જેમની સંગે ઈસુ છે, અંતે વિજય તેનો છે;
	જયવાન જીવન જીવે તે..... હે.