437

૪૩૭ - લગ્નગીત

૪૩૭ - લગ્નગીત

	ગરબી
	કર્તા : જે. એ. પરમાર
	ટેક :	વધૂવર રાખ, પ્રભુ, સુખકારી રે ! તારી સેવામાં લેજે સ્વીકારી !
૧	વાધે પ્રેમ પરસ્પર એવો રે,
	જાણે એક જ અંગ હોય તેઓ રે,
	અન્યોઅન્ય રહે સહકારી.
	વધૂવર.
૨	રિદ્ધિ, સિદ્ધિ, સુબુદ્ધિ દેજે રે,
	સદા એમની સંગે રહેજે રે,
	દેજે દીર્ઘાયુષ્ય વધારી.
	વધૂવર.
૩	નવદંપતી નવજીવન માણે રે,
	નિજ ઘર સ્વર્ગસમ અજવાળે રે,
	બને આદર્શમય નરનારી.
	વધૂવર.
૪	શુભ લગ્ન તણા શુભ કામે રે,
	મળી સકળ સભા આ ઠામે રે,
	આશિષવૃષ્ટિ તું કર આ વારી.
	વધૂવર.