226

૨૨૬ - દીવારૂપ વચન

૨૨૬ - દીવારૂપ વચન

	હરિગીત છંદ
	(ગીતશાસ્ત્ર ૧૧૯-૧૦૫)
કર્તા:	સુરેન્દ્ર આસ્થાવાદી
૧	વચનો પ્રભુનાં શાસ્ત્રમાં જે જે લખેલાં છે બધાં;
	પૂરાં થયાં છે ને થવાનાં, ના થશે મિથ્યા કદા.
	આશાભર્યા દિલના ઉમળકા એ જ વચનોથી ફળે;
	બેચેન દિલડાંની બીમારી એ જ વચનોથી ટલે.
૨	અંધારપંથે દીવડી એ જ્યોતથી ઝગમગ થતી;
	કાળાશ કે તિમિરનું ત્યાં અલ્પબિંદુયે નથી;
	મુજ ચરણ કાજે સર્વદા ઝગતાં રહી જ્યોતિ ધરે;
	શુભ વચન દૈવી સર્વથા જલતાં રહી ચોકી કરે.
૩	જે જે સ્થળે છે એ વચન ત્યાં ત્યાં કનિષ્ઠો ના રહે;
	જે જે હ્રદયમાં એ વચન ત્યાં ત્યાં અનિષ્ટો ના રહે.
	જીવન તણું સુકાન એ આગાહે દે ભય સ્થાનની,
	સ્વર્ગી કનાને દોરીને શાંતિ આપે પ્રભુ-ધામની.