326

૩૨૬ - વિશ્વાસની વૃધ્દ્રિ માટે પ્રાર્થના

૩૨૬ - વિશ્વાસની વૃધ્દ્રિ માટે પ્રાર્થના

૧	ક્ષણિક જીને અક્ષય ઝાલું, અવિનાશીની આશા પાળું,
	પાર જવાને માર્ગે ચાલું; મુજ વિશ્વાસ વધાર, પિતાજી.
૨	તુજ પંથે હું ચાલી જાઉં, તુજ પાસે હું રહેવા આવું,
	ઉપર જઈ વસવાનું ચાહુ; મુજ વિશ્વાસ વધાર, પિતાજી.
૩	જ્યારે સહુ અંધારું ભાસે, ફલેશ વિપત્તિ બધે થાશે,
	ઓથ કદી ના દેખું પાસે; મુજ વિશ્વાસ વધાર, પિતાજી.
૪	આકાશી અજવાળું માગું, લૌકિક અંધારું હું ત્યાગું,
	દિન પર ચેત થઈને જાગું; મુજ વિશ્વાસ વધાર, પિતાજી.
૫	સંધું અવળું ફરશે જ્યારે, બોજો માથે પડશે ભારે,
	તારો પ્રેમ ન ભૂલું ત્યારે; મુજ વિશ્વાસ વધાર, પિતાજી.
૬	જ્યારે વેરી સર્વ લડે છે, ઓગમત્ચી વિકરાળ ચઢે છે,
	જોદ્ધાનું બહુ રક્ત પડે છે; મુજ વિશ્વાસ વધાર, પિતાજી.
૭	ઘોર ભયાનક આંધી ઊઠે, જળથળનાં શુભ બંધન છૂટે,
	બચવાની બહુ આશા ખૂટે; મુજ વિશ્વાસ વધાર, પિતાજી.
૮	જો પરલોકે મિત્રો જાશે, વહાલાં સર્વ વિજોગાં થાશે,
	મારે વસવુ એકલવાસે; મુજ વિશ્વાસ વધાર, પિતાજી.
૯	નજરે જે નહિ તે હું ભાળું, પાસે જ નહિ તે હું પાળું,
	હાથે જે નહિ તે હું ઝાલું; મુજ વિશ્વાસ વધાર, પિતાજી.
૧૦	જ્યાં લગ શરત બધી થઈ રહેશે, આકાશે મુજ આત્મા પેસે,
	તાજ અચળ ત્યાં શિર પર બેસે; મુજ વિશ્વાસ વધારે, પિતાજી.
૧૧	મુજમાં નિત આનંદ કરાવો, ઉર વિષે તુજ શાંતિ ભરાવો,
	દઢ મન આપી ધીર ધરાવો; મુજ વિશ્વાસ વધાર, પિતાજી.