180

૧૮૦ - ખ્રિસ્તમાં રહેવાથી લાભ

૧૮૦ - ખ્રિસ્તમાં રહેવાથી લાભ

	નારાય
કર્તા:	થોમાભાઈ પાથાભાઈ
૧	અપાર લાભ ખ્રિસ્તથી સદાય ખ્રિસ્તમાં રહો,
	વિજોગ દેહનો થતાં અનંત લાભને ગ્રહો,
	સદા સુચાલ ખ્રિસ્તની ધરો બધાં સુકામમાં,
	અનંત લાભ પામશો અપાર ઉચ્ચ ધામમાં.
૨	સુગંધ જેમ ઊડતી, ગુલાબ ફૂલની સદા,
	સદા સુભક્ત દેવના થજો સુચાલમાં બદ્ચા;
	પ્રકાશ સૂર્યનો પડે, તિમિર દૂર થાય છે,
	સુચાલ એ પ્રકાશ છે, પવિત્રતા મનાય છે.
૩	અનાજ લૂણથી બધાં સુસ્વાદથી ખવાય છે,
	પવિત્ર લોક લૂણ છે, સુધારનાર થાય છે.
	વસેલ ગામ ડુંગરે, છૂપું કદી નહિ જ છૂપશે,
	સુભક્ત એમ ખ્રિસ્તમાં, રહી જગે પ્રકાશશે.