93

૯૩ - શાલેમ નગરીમાં હોસાના

૯૩ - શાલેમ નગરીમાં હોસાના

	ગરબી
કર્તા :	એમ. વી. મેકવાન
૧	શાલેમ નગરી આ ' હોસ્સાના ' નાદે ગાજતી જો !
	'સિયોનપુત્રી તારો રાજા કેવો રાંક !'
	'આવે સ્વારી વછેરે વિરાજતી જો !'
૨	હર્ષે છલકાતી બાળોની ફોજ ઘેરતી જો !
	ખજૂરડાળી કેરી દ્વજા ફરકે હાથ !
	'હોસ્સાના ! હોસ્સાના ' નાદ વેરતી જો !
૩	પ્રભુને નામે આવે રાજા ! સ્વારી દીપતી જો !'
	'સ્વર્ગે શાંતિ ને પ્રભુને મહિમા થાય !'
	'પરમ ઊંચે હોસ્સાના' પોકારતી જો !
૪	ગાઓ 'હોસ્સાના !' ઈસુ રાજાને પ્રીતથી જો !
	તારણ કરવાને ત્રાતાએ દીધો પ્રાણ !
	તન, મન, ધન સૌ અર્પો રૂડી રીતથી જો !