25

૨૫ – ઈશ્વરસ્તુતિ

૨૫ – ઈશ્વરસ્તુતિ

૧	પવિત્ર, પવિત્ર, પવિત્ર, યહોવા,	નમો સૃષ્ટિ સારી કરે તુજ સેવા,
	કરૂબીમનાં ગાન ગાજે સુનાદે,	સરાફીમ સ્તુતિ કરે ઉચ્ચ સાદે.
૨	પવિત્ર, પવિત્ર, પવિત્ર, યહોવા,	ધરી જન્મ આવ્યો કરી શ્રેષ્ઠ સેવા,
	સહી સ્તંભ ભારે, હર્યાં પાપ મારાં,	ભજું દેવપુત્ર તને, તારનારા.
૩	પવિત્ર, પવિત્ર, પવિત્ર, યહોવા,	અમો સંગ રે'જે સદા, હે શુભાત્મા,
	થજે ભોમિયો વાટમાં, નાથ પ્યારા,	અમોને સદા સત્યમાં દોરનારા.
૪	પવિત્ર, પવિત્ર, પવિત્ર, યહોવા, પિતા,	પુત્ર, આત્મા મળી એક દેવા,
	દયાવાન છે તું અનાદિ, અનંતા,	નમું દાસ હું સર્વદા ગુણ ગાતાં.