23

૨૩ – પ્રૈક ઈશ્વરની સ્તુતિ

૨૩ – પ્રૈક ઈશ્વરની સ્તુતિ

૧	અતિ ગૌરવી ને પવિત્ર પ્રભુ રાય,	તને હો સદા માન ને સૌ મહિમાય;
	સ્તવે છે બધા દૂત, સંતો તને જેમ,	સ્તવીએ અમે સૌ તને માનથી એમ.
૨	અતિ ગૌરવી ને પવિત્ર પ્રભુ ખ્રિસ્ત,	તને માન ને સૌ મહિમા થજો નિત;
	મહા પ્રેમભાવે સ્મરી તું તણી પ્રીત,	અમે ગાઈએ તું તણી સ્તુતિનાં ગીત.
૩	પરિશુદ્ધ આત્મા અતિ તું શક્તિમાન,	તને હો સદા સૌ મહિમા તથા માન;
	દયાથી અમોમાં હવે ઊતરી આવ,	અને શુભ આશિષ તું આપજે હાલ.
૪	પિતા, પુત્ર, આત્મા, પધારો સભામાંય,	તમારો અનુગ્રહ આપો પ્રભુરાય;
	અતિ ગૌરવી ને પવિત્ર પ્રભુ દેવ !	કરીએ તમારી અમે સ્તોત્રથી સેવ.