21

૨૧ – સહાયને માટે પ્રાર્થના

૨૧ – સહાયને માટે પ્રાર્થના

૧	ખ્રિસ્ત દેવ, તું મંડળી મધે,	સદા થજે સહાય, ભાવ બહુ વધે;
	મંડળી મળી આ સમે, ધણી,	થજે સમીપ, નાથ, દાસની ભણી.
૨	બોધ જે થશે તુજ નામનો,	ઠરાવ દિલ માંહ્ય, થાય કામનો;
	માન્ય રાખજે સેવ અવે બધી,	ધરી રહ્યા સુઆશ, ત્યાગ નહિ કદી.
૩	પ્રેમભાવથી કીર્તનો કર્યાં,	કર્યાં વખાણ આજ, ઘૂંટણે નમ્યાં;
	દુષ્ટ ના હરે બોધ તું તણો,	રહે સદા ફલિત અંતરે ઘણો.
૪	માગીએ બધું ખ્રિસ્ત નામથી,	ક્ષમા કરો અન્યાય, દેવ, રે'મથી;
	બાપ, પુત્ર ને આત્મા મળી,	મનાય એક દેવ, સ્તુત્ય હો વળી.