69

૬૯ - આવી આનંદી નાતાલ

૬૯ - આવી આનંદી નાતાલ

	ગરબીનો ઢાળ
	(તાલ : કેહરવા)
	(મારા પ્રાણપ્રિય ઈસુ - એ રાગ)
કર્તા :	કા. મા. રત્નગ્રાહી
ટેક :	આવી આનંદી નાતાલ, જન્મ્યો ખ્રિસ્ત, પ્રભુ, ભોપાળ.
૧	રાજાઓનો રાજા અને સૃષ્ટિનો સૃજનાર;
	સ્વર્ગી ગૌરવ મૂકી લીધો માનવનો અવતાર. આવી.
૨	જગસ્વામીએ જગ પર કીધી ભારે અદ્ભુત મ્હેર;
	કન્યા મરિયમ પેટે જન્મ્યો દાઊદ કેરે શહેર. આવી.
૩	દૂતો શ્વેતાંબર પહેરેલા આકાશે દેખાય;
	મનહર સુંદર રાગે તેઓ ખ્રિસ્ત જયંતી ગાય. આવી.
૪	હે જગવાસી, જાગૃત થાજો હર્ષે ગાઓ ગાન;
	તમ કાજે આ છે શુભ વાર્તા, સુણો દઈએ ધ્યાન. આવી.
૫	તારે કાજે, મારે કાજે, સૌ માનવને કાજ;
	શુભ વાર્તા આ સૌને કાજે, જન્મ્યો ત્રાતા આજ. આવી.
૬	હે જગવાસી, હર્ષ કરીને દો ત્રાતાને માન;
	જન્મેલા રાજાનાં ગાઓ જય જય કરતાં ગાન. આવી.
૭	આવ્યો છે એ જગને કાજે, છોડી સ્વર્ગી ધામ;
	ગૌરવના રાજાને આપો, મનડાં માંહે ઠામ. આવી.
૮	ગભાણે પોઢેલો તે પન રહેવા દો નહિ ત્યાંય;
	આપો હૈયું રહેવા તેને, રહેશે સ્વર્ગી રાય. આવી.
૯	ઉરે ખ્રિસ્ત રહે તો પૂરી શાંતિ, આનંદ થાય;
	ખ્રિસ્ત જયંતી સુખકર થાશે, દુ:ખડાં સર્વ જાય. આવી.