155

૧૫૫ - ખ્રિસ્તનું ચિત્ર

ટેક:	છબી ખૂબ સારી બહુ પ્યારી તારી, ઓ પ્રભુ ઈસુ, લાગે રે.
૧	પ્રેમ, દયા, શુભ કરુણા, મમતા, દીપે છે સર્વાંગે રે. છબી.
૨	રાંકપણું, બહુ દીનતા નીરખી મુજ મન મોટપ ત્યાગે રે. છબી.
૩	મિત્રોમાં તું શ્રેષ્ઠ સખા થઈ બહુવિધ સંકટ ભાગે રે. છબી.
૪	પ્રેમી કરે દઈ નાથ ઉગારે, જવ તુફાનો જાગે રે. છબી.
૫	આત્મિક યુદ્ધે ઢાલ ખરી તું, શત્રુબાણ ન વાગે રે. છબી.
૬	મહા મનોહર મિષ્ટ તું લાગે, તુજ સંગત મન લાગે રે. છબી.
૭	શરણ ગ્રહીને નાથ દયાનિધ, ગાઉં નિરંતર રાગે રે. છબી.
૮	દાસ આપનો બહુ અભિલાષી, દર્શન નિત નિત માગે રે. છબી.