48

૪૮ - ઈશ્વરનું ગૌરવ

૪૮ - ઈશ્વરનું ગૌરવ

	૮, ૭ સ્વરો
	(ગીતશાસ્ત્ર ૮)
"Tune :	Stuttgart, or St. Oswald"
કર્તા :	જેમ્સ ગ્લાસગો
૧	હે પરાાત્મા, કેવું સારું	જગત મધ્યે તારું નામ !
	આકાશ ઉપર ચમકનારું	તેં દેખાડયું તારું કામ.
૨	ઘાવણાં બાળકોનાં મોંથી	તું પરાક્રમ લાવ્યો છે;
	એમ કરીને તેં એ ભયથી	શત્રુને દબાવ્યો છે.
૩	તારા હાથે આકાશોને	શક્તિથી બનાવ્યાં છે;
	ચંદ્ર તથા તારાઓને,	એમને તેં ઠરાવ્યા છે.
૪	માણસ કેવું છે કે એનો	એમ તું લે છે સમાચાર?
	કેવો આદમપૂત કે તેનો	એમ તું કરે છે ઉપકાર?
૫	તેને તેં દૂતોથી નાનો	કીધો થેડી મુદત ભર;
	પછી મુગટ મહિમાવાળો	મૂક્યો તેના માથા પર.
૬	તેને સર્વ વસ્તુઓ પર	તેં તો સોંપ્યો અધિકાર;
	ઘેટાં, ઢોર, વનપશુઓ	ને ક્ષેત્રનું હરેક જાનદાર.
૭	પંખી વાયુંમાં વસનારું,	માછલું જેને જળમય ઠામ;
	હે પરાત્પર, કેવુ સારું	જગત મધ્યે તારું નામ !