431

૪૩૧ - નવીન વર્ષ

૪૩૧ - નવીન વર્ષ

	સવૈયા એકત્રીસા
	કર્તા : એમ. ઝેડ. ઠાકોર
૧	જુઓ, કાળતરુ પર આજે ઊઘડી નવીન કળી એક,
	સૌરભ તેની ખૂબ મઘમઘે માનવ તો હરખાય હરેક;
	કંચન કિરણધારી ભાનુ ઊગ્યો કરતાં ઝગઝગાટ,
	પામે નૂતન ચેતન તેથી, સકળ પશુ, જન, પંખી, ઝાડ.
૨	શીત સમીર બળિષ્ઠ ઘણેરો, વાયે જોર કરી સહુ ઠાર,
	ઊઘડેલી એ પુષ્પ કળી પર, નાચી રાચે અપરંપાર !
	બીજી એના જેવી કળીઓ ત્રણસેં ઉપર ચોસઠ જાણ,
	ઊઘડશે એ નિત્ય અકેકી, એમાં કૈં સંદેહ ન આણ.
૩	પ્રથમ કળી તે પ્રથમ દિવસ જાન્યુઆરીનો કહેવાય,
	નૂતન વરસ કહીએ તેને તે દિન આનંદ, ઉત્સવ થાય;
	તારણ સાધક પ્રેમ જણાવા, ઈશ્વર મહિમા ગાવા કાજ,
	ખ્રિસ્ત તણી વદવા શુભ વાતો, વરસ નવું બેઠું છે આજ.
૪	પ્રભુએ પાલન પોષણ કીધું, વરસ ગયું તેમાં નિત નિત,
	આધિ વ્યાધિ સર્વ નિવારી સુખી રાખ્યાં, કીધી પ્રીત;
	તારક, પાળક થઈને તેણે સહુને દીધું જીવનદાન,
	એ ઉપકાર ગણી સહુ તેને આપો ગૌરવ, સ્તુતિ, માન.

Phonetic English

431 - Naveen Varsh

	Savaiya Ekatreesa
	Karta : M. Z. Thakur
1	Juo, kaalataru par aaje ooghadi naveen kali ek,
	Saurabh teni khoob maghamaghe maanav to harakhaay harek;
	Kanchan kiranadhaari bhaanu oogyo karataan jhagajhagaat,
	Paame nootan chetan tethi, sakal pashu, jan, pankhi, jhaad.
2	Sheet sameer balishth ghanero, vaaye jor kari sahu thaar,
	Ooghadeli e pushp kali par, naachi raache aparanpaar !
	Beeji ena jevi kaleeo tranasen upar chosath jaan,
	Ooghadashe e nitya akeki, emaan kain sandeh na aan.
3	Pratham kali te pratham divas jaanyuaareeno kahevaay,
	Nootan varas kaheeye tene te din anand, utsav thaay;
	Taaran saadhak prem janaava, Ishvar mahima gaava kaaj,
	Khrist tani vadava shubh vaato, varas navun bethun chhe aaj.
4	Prabhauye paalan poshan keedhun, varas gayun temaan nit nit,
	Aadhi vyaadhi sarv nivaari sukhi raakhyaan, keedhi preet;
	Taarak, paalak thaeene tene sahune deedhun jeevanadaan,
	E upakaar gani sahu tene aapo gaurav, stuti, maan.