168

૧૬૮ - ખ્રિસ્તની પ્રીતિનો અનુભવ

૧૬૮ - ખ્રિસ્તની પ્રીતિનો અનુભવ

ટેક:	મીઠી મીઠી તે પ્રીત, મેં ચાખી છે;
	મારા પ્રભુ ઈસુની પ્રીત, પ્રીત મેં ચાખી છે.
૧	ગળી ગળી તે તો સાકર જેવી,	મને કર્યો છે આમંદિત. પ્રીત.
૨	તેની પ્રીતિ તો છે અમૃત જેવી,	મારું ઠારે કલેજું નિત. પ્રીત.
૩	મારી રુચિને તે બહુ ભાવે છે,	તેણે ચોર્યું છે મારું ચિત્ત. પ્રીત.
૪	મારા હૈયામાં તેનો વાસો છે,	એ તો પામી છે હું પર જીત. પ્રીત.
૫	મને સુખી ઘણો તે રાખે છે,	એવું સુખ ના આપે વિત્ત. પ્રીત.
૬	એની પ્રીતિ મધુરી છે ભારી,	હું તો પ્રીતિનાં ગાઉં ગીત. પ્રીત.