6

૬ - ઈશ્વરને આમંત્રણ

૬ - ઈશ્વરને આમંત્રણ

	(રાગ મિશ્ર દરબારી.
	તાલ : કેહરવા)
	કર્તા : સી. એમ. જસ્ટીન
ટેક :	ઓ નાથ, પધારો, આવી ઉગારો શરણાગતને આજ,
		ઉગારો, શરણાગતને આજ.
	ઓ પ્રભુ અમારાં, બાળ તમારાં, નવ કરશો નારાજ,
	અમોને નવ કરશો નારાજ.
૧	આશિષો સૌ છે તમ પાસે,	કૃપા તમારીથી ઉગરાશે,
	પાપ અમારાં માફ કરીને,	શુદ્ધ કરો મન આજ....
				ઓ પ્રભુ.
૨	દેવ તણા હલવાન તમે છો,	વચન તમારાં પૂર્ણ કરો છો,
	રક્ત તણો છંટકાવ કરીને,	શુદ્ધ કરો હમણાં જ....
				ઓ પ્રભુ.
૩	મંડળ તમારું મંદિર માંહે,	રહે ન કોઈ તમ વિણ ત્યાંયે,
	પવિત્રતાનાં દ્વાર ઉઘાડો,	કરગરીએ મહારાજ....
				ઓ પ્રભુ.
૪	આશિષો પર આશિષ દઈને,	શેતાની બળ દાબી દઈને,
	સ્વર્ગ તણાં વચનો સંભળાવી,	પ્રસરાવો તમ રાજ....
				ઓ પ્રભુ.