243

૨૪૩ - પ્રભુ ઈસુનું તેડું

૨૪૩ - પ્રભુ ઈસુનું તેડું

	મંદાક્રાન્તા
કર્તા:	સુરેન્દ્ર આસ્થાવાદી
૧	શું સ્વામીની હ્રદય વીંઘતી હાંક આપે ન સુણી?
	સંધું ત્યાગી કમર કસવા કાં મહેચ્છા ન ધારી?
	"હું આવું છું," પ્રીતિ ઉત્તર એ આપનો દેવનો છે?
	કે સ્વામીને હજી અવરને શોધવાનાં રહે છે?
૨	લાખો લોકે કદી નહિ દીઠું સ્વર્ગી માન્ના રસાળું,
	એવાંઓને અન્ન પીરસવા દિવ્ય તેડું તમારું;
	પાપો કેરા દુ:ખથી કણતાં ચીસ પાડે હજારો,
	ઢૂંઢે છે એ જન રઝળતાં, અંધકારે પ્રકાશો.
૩	લાખો આંખે મરણનીંદની ઝાંખ ઘેરી વળી છે;
	મોક્ષાર્થીની કરુણ ચીસને શું તમે સાંભળી છે?
	શું આ દશ્યો નીરખી તમને ના દિલે ડંખ લાગે?
	આજે ઊઠો, પછી પળ જશે, સ્વાર્પણો દેવ માગે.
૪	ના પાડો તો પ્રભુ પ્રીતિ થકી, કો' રહેશે અજાણ્યું,
	એ ગુનાનું તમ શિર પરે ઋણ ભારે થવાનું;
	તો ઓ વહાલાં, જદ નહીં કરો આજ આધીન થાઓ,
	ને સ્વામીની શુભ શુભ કથા નિર્વિલંબે પ્રસારો.