281

૨૮૧ - પાપનો પશ્વાત્તાપ અને ક્ષમા

૨૮૧ - પાપનો પશ્વાત્તાપ અને ક્ષમા

	-
	(ગીતશાસ્ત્ર ૫૧)
	" એક જ દે ચિનગારી મહાનલ...." એ રાગ.
	કર્તા: એમ. વી. મેકવાન.
ટેક:	પાપો ભૂંસી નાખો, પ્રભુ, મુજ પાપો ભૂંસી નાખો.
૧	કાજળ-કાળાં પાપથી હ્રદયે, ડાઘ પડયા છે લાખો !
	રાખી પુષ્કળ રહેમ તમારી, ડાઘ વિદારી નાખો... પ્રભુ
૨	અપરાધો મુજ છે તમ સામે, એ સહુ ઘોઈ નાખો,
	દિવ્ય, અગમ્ય તમારી કૃપાથી, શુદ્ધ કરો મને આખો..... પ્રભુ.
૩	પાપી ગર્ભમાં જન્મ લીધો મેં, પાપે પડધો છું ઝાંખો !
	સ્વર્ગીય સ્નાન કરાવી મુજને, હિમથી ઊજળો રાખો !..... પ્રભુ.
૪	છે મુજ હાલત પાપથી ભંગિત, તેને સુધારી નાખો,
	તારણનો સંદેશ સુણાવી, હર્ષાનંદમાં રાખો.... પ્રભુ.
૫	શુદ્ધ હ્રદય આપો પ્રભુ, મુજમાં આત્મા નવો, દઢ નાખો,
	દિવ્ય, પવિત્ર આત્મા તમારો, મુજથી ન પાછો રખો..... પ્રભુ.
૬	હર્ષ પ્રભુ, દો તમ તારણનો, આત્માને આશ્રયે રાખો,
	તો શીખવું હું માર્ગ તમારા, પાપીની ઊઘડે આંખો.... પ્રભુ.
૭	પ્રભુ પ્રસન્ન ના યજ્ઞથી થાયે, રાંક હ્રદય તમે ચાખો,
	સ્તુતિ તમારી કરવા કાજે, હોઠ ખોલી મુજ નાખો.... પ્રભુ.
૮	સિયોન કેરા કોટ સમારી, સંભાળ તેની રાખો,
	ત્યારે કરશે સહુ શુભ અર્પણ, સંત તમારા લાખો !...... પ્રભુ.