254

૨૫૪ - પાપરૂપી કાંટા

૨૫૪ - પાપરૂપી કાંટા

	કર્તા: થોમાભાઈ પાથાભાઈ
ટેક:	પાપતણા જે કાંટા મનમાં, કાઢે ઈસુ નાથ;
	સુખ શાંતિનાં વચનો વાવે, શુભ ફળ આવે હાથ.
૧	પાપ પ્રવેશ થવાની માનવ દુ:ખમાં છે ડૂબેલ;
	પાપ તણાં બી કડવાં મનમાં સહુમાં છે ઊગેલ. પાપ.
૨	સઘળાં માનવ જે જગમાં છે, પાપ થકી ભરપૂર;
	ઈસુ વિના પાપને કાઢે ક્યાં છે એવો શૂર ? પાપ.
૩	પાપી જગમાં ઈસુ આવ્યો કરવાને ઉદ્ધાર;
	બહુ બહુ દુ:ખો વેઠયાં તેણે જીવ્યો જગ મોઝાર. પાપ.
૪	કંટક મુગટ માથે લીધો, સોટાનો બહુ માર;
	પાપીનો બદલો થઈ તેને કીધો છે ઉદ્ધાર. પાપ.
૫	થંભે તેને જકડી દીધો ચોરોની સંઘાત;
	કચડાયો, વીંધાયો ત્રાતા, કેવો પેમી નાથ ! પાપ.
૬	બાળક, વૃદ્ધ, જુવાન બધાંનો ઈસુથી ઉદ્ધાર;
	પાપ તણો પસ્તાવો કરતાં આવો, નર ને નાર. પાપ.
૭	સ્વર્ગી લોકો જેવા થઈશું વૃખ મેંદા, દેવદાર;
	મહિમામાં આનંદ કરીને બોલીશું જયકાર. પાપ.