462

૪૬૨ - દેશસેવક

૪૬૨ - દેશસેવક

	ગઝલ
	(એફેસી. ૬ : ૧૦-૧૭)
	કર્તા: ફિલિપ એચ. કિશ્વિયન
ટેક:	અરે ઓ હિંદના યુવાન, રહ્યા શું ભૂલમાં ભારે ?
	બનોને ખ્રિસ્તના સૈનિક તમારા દેશને માટે.
૧	સમય બારીક આવે છે, શૂરા સૈનિક થાઓને;
	ગ્રહી લો યુદ્ધ સામગ્રી તમારા દેશને માટે.
૨	કસોને સત્યથી કમર, ધરોને ન્યાયનું બખ્તર;
	સુવાર્તા શાંતિની પગમાં તમારા દેશને માટે.
૩	ધરો વિશ્વાસ કેરી ઢાલ, હોલવવાને ભૂંડાનાં બાણ;
	ધરો શિર ટોપ તારણાનો તમારા દેશને માટે.
૪	ગ્રહો તરવાર આત્માની, પ્રભુની વાત એ માની;
	ચલાવોને ચપળતાથી તમારા દેશને માટે.
૫	ડરો નહિ, ખ્રિસ્ત છે આગે, તમારી જીત તો થાશે;
	પડો યાહોમ કરીને આજ તમારા દેશને માટે.
૬	તમારું જોર બતલાવો, શેતાની રાજ પલટાવો;
	વિજયધ્વજ આજ ફરકાવો તમારા દેશને માટે.
૭	હ્રદયનો રાજવી થઈને હવે ફાવી ગયો છે તે,
	હઠાવી તેહને લડજો તમારા દેશને માટે.
૮	નહિ પરવા કરો તનની અગર મોટાઈ કે ધનની;
	કરો તમ દેહનું અર્પણ તમારા દેશને માટે.
૯	જગત જ્યોતિ થયો ઈસુ, પછી શું આપણે ડરશું ?
	ઘટે તો પ્રાણ અર્પીશું વહાલા હિંદને માટે.