456

૪૫૬ - મંદિરની પ્રતિષ્ઠા

૪૫૬ - મંદિરની પ્રતિષ્ઠા

	હરિગીત
	કર્તા: એમ. વી. મેકવાન.
૧	હે સૈન્યના પ્રભુ દેવ ! આ મંદિર તારું ખાસ છે,
	રળીાામણા આ મંડપે, તારો પવિત્ર નિવાસ છે.
	પ્રભુ ! દે સુખદ મિલાપ આજે એ અમારી આશ છે,
	તુજ આંગણાંની સર્વદા, અમ અંતરે અભિલાષ છે.
૨	આરાધના ને પ્રાર્થના, તારી અહીં થાયે ઘણી !
	તુજ પ્રેમચક્ષુ ને શ્રવણ, ખુલ્લાં રહે મંદિર ભણી !
	સુણ પ્રાર્થ ને દેજે ક્ષમા, અમ સર્વ અપરાધો તણી,
	તુજ દિવ્ય શુદ્ધાત્મા તણી, કર વૃષ્ટિ અમ પર, હે ધણી !
૩	સહુ સેવકો મંદિર માંહે, સેવ શુભ રીતે કરે,
	સિયોનના શુદ્ધ માર્ગ જે, નિજ ધ્યાનમાં તેઓ ધરે,
	સૌન્દર્ય તુજ અવલોકવા, આવે જનો આ મંદિરે !
	નિરાશ, ઘાયલ ને શ્રમિત, આરામ પામે અંતરે !
૪	મંદિર-પ્રતિષ્ઠા માંહી દે, તારી મીઠી સન્નિધતા !
	વ્યાપી રહે તુજ સૌરવી, એમાં સદાય સમક્ષતા !
	મંદિરરૂપી ભેટ આ, સ્વીકાર હૈ ઈશ્વરપિતા !
	તારી પવિત્ર સેવ માટે, આજ તેને સ્થાપતાં !