449

૪૪૯ - પ્રભુની કૃપામય મેજ

૪૪૯ - પ્રભુની કૃપામય મેજ

	દાલરી
	કર્તા : એમ. વી. મેકવાન
૧	આ કાલવરી કેમ રંગાયેલી રક્તરંગે ?
	થંભે મર્યો કોણ ? વીંધાયેલો અંગ અંગે ?
	રે, ખ્રિસ્ત એ તો દીધો પ્રાણ આ વિશ્વ કાજે !
	રંગાય આ દિલ એ પ્રેમથી મુજ આજે !
૨	એ કાલવરીની બની મેજ કૃપામયી આ !
	કૃપાસને હામથી આજ અવાય, આહા !
	આવી મહા પ્રેમ સ્મરું, પ્રભો, મેજ પાસે,
	લાવી હૃદે ક્ષેમ ધારું, કૃપાની જ આશે.
૩	સંસ્કાર આ પાળતાં પ્રેમ ને રે'મ તું દે,
	સૌ દોષને ટાળતાં દેવ, આશિષ તું દે.
	ખાતાં સ્મરું રોટલી જીવતી તુજ, ત્રાતા,
	પીતાં સ્મરું રક્ત તારું વહ્યું ત્રાણદાતા.
૪	"આ રોટલી ખ્રિસ્તના અંગનો સંગ દે છે !
	આશિષનો વાટકો રક્તમિલાપ દે છે !"
	રે, ખ્રિસ્તને ખાય પીએ સદા તે જીવે છે !
	જે ખાય પીએ નહિ તે સદા મૃત રે' છે !
૫	હે સર્વ મિત્રો, તમે સ્વર્ગી આ અન્ન ખાઓ,
	હે પ્રિય મિત્રો, પીઓ ને અતિ તૃપ્ત થાઓ.
	પામો ક્ષમા રક્તના દિવ્ય નવા કરારે !
	વામો સહુ પાપ, ત્રાતા જ દે ત્રાણ ભારે !