448

૪૪૮ - પ્રભુભોજન

૪૪૮ - પ્રભુભોજન

	૭ સ્વરો
	"ઈસુ આવે ત્યાં સુધી"
૧ "	ઈસુ આવે ત્યાં સુધી" સંભારો આ વાત સારી,
	વચમાં રહેનાર થોડો કાળ, આશાથી પામો અજવાળ;
	સંભારો તે ઘર સ્વર્ગી, "ઈસુ આવે ત્યાં સુધી."
૨	જ્યારે સગાંવહાલાં જાય, વિશ્રામ પામવા સ્વર્ગની માંય,
	જ્યારે તેમનો પ્રેમી સાદ, અમને નહિ આપે ઉમેદ;
	દુ:ખ છે થોડી વાર લગી, "ઈસુ આવે ત્યાં સુધી."
૩	આસપાસ છે મેઘ ને અંધકાર, છતાં આનંદ છે આવનાર,
	વધસ્તંભની સૌ વેદના, દુ:ખ, દિલગીરી ને ચિંતા,
	રહેશે કેવળ જ્યાં લગી, "ઈસુ આવે ત્યાં સુધી."
૪	પ્રેમભોજન તૈયાર જુઓ, રોટલી ખાઓ ને રસ પીઓ,
	જેથી પ્રભુ રહેશે યાદ, જ્યાં લગ ખાઈએ સ્વર્ગપ્રસાદ,
	સ્વર્ગી દૂત ને સંત સાથી, "ઈસુ આવે ત્યાં સુધી."