225

૨૨૫ - સર્વોત્તમ ગ્રંથ

૨૨૫ - સર્વોત્તમ ગ્રંથ

	ચોપાઈ
કર્તા:	એમ. ઝેડ. ઠાકોર
૧	છે સતશાસ્ત્ર સર્વોત્તમ ગ્રંથ, વાચન કાજે પ્રિય અત્યંત;
	જો નિત્ય ભાવ થકી વંચાય, તો સર્વ કાર્યો સાર્થક થાય.
૨	રત્ન જેવાં બહુ કિંમતવાન સઘળાં તેનાં વચનો જાણ;
	નિત્ય ચહીને તું ધર હાથ, જીવન સુખદ થાશે ભ્રાત.
૩	મારગ કાજ મશાલ સમાન પાય ચલાવાા દીપક જાણ;
	તિમિરમાંય બતાવી નૂર, જોખમ ને ભય રાખે દૂર.
૪	આરસીમાં જોતાંની સાથ સામું બિંબ પડે સાક્ષાત;
	એમ જ શાસ્ત્ર અરીસામાંય આખું જીવન ચિત્ર જણાય.
૫	છે સતશાસ્ત્ર સદા અણમોલ, ગ્રંથ નથી કો તેને તોલ;
	કારણ, એ શુભ ગ્રંથ જ માંય, ઉત્તમ તારણ માર્ગ જણાય.
૬	છે સતશાસ્ત્ર અમોલખ ગ્રંથ, તે દર્શાવે જીવન અનંત;
	જો તે જીવન લેવા ચહાય, તો શુભ રીતે વાંચ સદાય.