214

૨૧૪ - પવિત્રાત્મા, આવ

૨૧૪ - પવિત્રાત્મા, આવ

	"Come, Holy Ghost, our souls inspire"
Tune:	Veni Creator
અંગ્રેજી અનુ :	જોન કોસીન, ૧૫૯૫-૧૬૭૨
અનુ.:	રામભાઈ કલ્યાણભાઈ
૧	હે સૃષ્ટિસ્થાપક આત્મા, આવ, અમોમાં તારો વાસો લાવ;
	અમારાં મન કર તુજ ઘર, સ્વર્ગીય કૃપા એમાં ભર.
૨	તું તો સંબોધક આત્મા જે, પરાત્પર દેવનું દાન તે;
	તું જીવતું જળ, તું અગ્નિ, પ્રેમ, તું આત્મિક અભિષેક તેમ.
૩	તું સાત બક્ષિસ આપનાર, તું દેવની આંગળી જોરદાર;
	તું બાપનું વચન સદા છે, બોલવાની અમને શક્તિ દે.
૪	અમ મનોમાં પ્રકાશ કર, ને તારો પ્રેમ અમોમાં ભર;
	દૂર કર સૌ દૈહિક નબળાઈ, બળવાન કર અમોને સદાય.
૫	તું શત્રુઓને દૂર હઠાડ, અમોને શાંતિ તું પમાડ;
	અગ્રેસર થઈ અમોને દોરે, તો ભૂંડાનું નહિ ચાલે જોર.
૬	અમને દે જાણવા બાપને આજ, ને પુત્રને જે મહારાજ;
	તું આત્મા બન્નેનો ખરો, તને માનિયે, એવું કરો.
૭	સૌ માન આપો આજ, ઉત્થાન પામેલા સુતને તાજ;
	શુદ્ધાત્માની પણ સ્તુતિ ગાઓ, ત્રિએક દેવનો મહિમા થાઓ.