403

૪૦૩ - પ્રભુ મુજ પાસ રહે

૪૦૩ - પ્રભુ મુજ પાસ રહે

૧	સાંજ પડે છે જીર તણી, પ્રભુ, દૂર ન જાજે,
	રાતતણો કાળોખ વધે, પાસે, પ્રભુ, થાકે;
	જ્યારે બીજા આશ્રય તો, બળહીન જણાશે,
	ત્યારે, નાથ અનાથ તણા, તું રહે મુજ પાસે.
૨	જીવ તણા મુજ અલ્પ દિનો, વીતી ઝટ જાયે,
	ભૂતળ સુખ તણો મહિમા ઝાંખો નિત થાયે;
	જારી રોગ, વિકાર, જરા, દીસે સહુ વાસે,
	હે અવિકારી દેવ, સદા તું રહે મુજ પાસે.
૩	આપી થોડું દર્શન તો પાછો ન છુપાજે,
	બોલી થોડાં કૈં વચનો, નિર્વાચ ન થાજે;
	આવીને ન પછી જાતો, પંથી જ્યમ જાશે,
	ક્ષેમ સમાધાને વસતાં, તું રહે મુજ પાસે.
૪	જો નૃપનો મોટો હું વૈભવ જોઉં,
	બીક તથા ગભરાટ થકી હું ધીરજ ખોઉં;
	માટે પ્રેમ, દયા, કરુણા જે શાંત ગણાશે,
	તે ગુણનો દેખાવ કરી, પ્રભુ,રહે મુજ પાસે.
૫	તેં મુજ બાળપણામાં તો બહુ પ્રેમ જણાવ્યો,
	જો પણ આડો મેં બળવો બહુ વાર ચલાવ્યો;
	તોય મને ત્યાગ્યો નહિ તેં, નાખ્યો નહિ નાશે,
	તેમ જ અંત સુધી કરતાં, પ્રભુ, રહે મુજ પાસે.
૬	દૂર થયો જો તું મુજથી, તો હું ભટકીને,
	કંઈ આડેઅવળે નીકળું, સત સર્વ તજીને;
	માટે તું નિત દોર મને પથ જેમ ચઢાશે;
	પોં'ચી ઘેર જતાં લગ તો, પ્રભુ, રહે મુજ પાસે.
૭	જો પ્રભુ દે વરદાન મને, રિપુ બીક ન જાણું,
	રુદનની કડવાશ મટે, દુ:ખો નહિ માનું,
	મોત તણો ક્યાં ડંખ ગયો ? જય ક્યાં મૃતવાસે ?
	જીતીને હું પાર પડું, જો તું મુજ પાસે.
૮	મૃત્યુમે સત વાત ધર્યે, મારી ચક સામો,
	ઝાંખ થતાં, સુપ્રકાશ કરી દેખાડ વિસામો;
	રાત જતાં તો ફો ફાટે, સ્વરસૂર્ય પ્રકાશે,
	જીવનકાળે મોત સમે પ્રભુ, રહે મુજ પાસે.