181

૧૮૧ - ખ્રિસ્ત જેવો મિત્ર કોઈ નથી

૧૮૧ - ખ્રિસ્ત જેવો મિત્ર કોઈ નથી

રાગ:	ભીમપલાસ
	(તાલ: કેહરવા)
કર્તા:	દાનિયેલ ડાહ્યાભાઈ
ટેક:	મિત્ર નથી મમ કોઈ, તુજ સમો મિત્ર નથી મમ કોઈ;
	અન્ય હજારો હોય, તુજ સમો.
૧	મુજ મૃતકને મરી જિવાડયો, સ્નેહભરી તુજ સોઈ. તુજ.
૨	મુજ મલિનને શુદ્ધ કર્યો તેં નિજ સુધિરથી ધોઈ. તુજ.
૩	તુજ વિના તો મનની હાલત અન્ય શું જાણે કોઈ? તુજ.
૪	અધિક દુ:ખ પણ અધિક શાંતિ તુજ મેળાપથી હોય. તુજ.
૫	અનેક વાર હું દૂભવું તુજને પ્રેમ કરે તું તોય. તુજ.
૬	તુજ વિના તો દીન દુ:ખીની કોણને પરવા હોય? તુજ.
૭	મરણ ક્ષણ પણ પુરણા આનંદ, જો તુજ હો તો હોય. તુજ.