131

૧૩૧ - જોરથી પોકારો

કર્તા :	જયવંતીબહેન જે. ચૌહાન
ટેક:	જોરેથી પોકારો સહુ, જોરથી પોકારો, ઈસુ ઊઠયો મૃત્યુ જીતી, જોરથી પોકારો,
	શોરથી ગજાવો જગ, શોરથી ગજાવો, ઈસુ ઊઠયો મૃત્યુ જીતી, શોરથી ગજાવો.
૧	ઊતર્યો દૂત આકાશથી, ચોકીદાર ધ્રુજે ધાકથી,
	ધરણી સાથે ધ્રુજતી. જોરથી.....
૨	શિલા ખસી ગઈ કબ્રથી, ઊઠયો જીવનનાથ ઘોરથી,
	દર્શન દીધાં ભોરથી. જોરથી.....
૩	મરિયમ આંસુ સારતી, હિંમત હ્રદયે હારતી,
	માળી ઊભો ધારતી. જોરથી.....
૪	ઈસુ બોલ્યો પ્રેમથી, નિહાળી મરિયમ રહેમથી,
	'રાબ્બોની' ઉચ્ચારતી. જોરથી.....
૫	શિષ્યોને દરશન આપિયાં, વહેમનાં બંધન કાપિયાં,
	શયતાની દળ હારિયાં. જોરથી.....