85

૮૫ - "હું ઉત્તમ ઘેટાંપાળક છું"

૮૫ - "હું ઉત્તમ ઘેટાંપાળક છું"

	વિક્રાંત
	(યોહાન ૧૦ : ૧૪)
કર્તા :	થોમાભાઈ
	પાથાભાઈ
૧	જોખમમાં મુજ પ્રાણ હતો, બચવા નહિ આશા;
	ચોગમ તો નર ઘાતકની ભયકારક ત્રાસા.
	બહુ ગભરાટ થયો મુજને, નર ઘાતક ભાળ્યો;
	રૂપ ભયાનક ઘાતકનું, મુજને ઝટ ઝાલ્યો.
૨	ઘાત કર્યો બહુ લોક તણો, જગમાં બહુ ફાવ્યો;
	દ્વેષક તેમ જ પ્રાણ તણો ભમતો નર આવ્યો.
	ઉત્તમ પાળક ખ્રિસ્ત મળ્યો, નર ઘાતક નાઠો;
	તે પળથી મન શાંત થયું, સુણતાં શુભ ઘાંટો.
૩	ઉત્તમ જે ભરવાડ ખરો, નિજ મેષ બચાવે;
	વાઘ, વરુ નહિ નાશ કરે, બહુ હામ ચલાવે.
	ઉત્તમ જે ભરવાડ ખરો, નિજ મેષ બચાવે;
	જોખમમાં નિજ પ્રાણ ધરે, નર દુષ્ટ હઠાવે.
૪	ઉત્તમ પાળક ખ્રિસ્ત ખરો, બહુ પ્રેમ ભરેલો;
	જોખમમાં નિજ પ્રાણ ધર્યો, જમ સાથ લડેલો;
	યુદ્ધ કર્યું પરમાર્થ ધરી, પગ, હાથ વીંધાયા;
	પ્રેમ અપાર હતો મનમાં, દુ:ખ શિર ઉઠાયાં.
૫	ઘાતકનું શિર ચૂર કરી બળ ભંગ કર્યું છે;
	તો જયકાર કરો સઘળાં, શુભ ત્રાણ થયું છે.
	ઉત્તમ પાળક ખ્રિસ્ત તણે શરણે સહુ આવો;
	તો છૂટશો નર ઘાતકથી, સુખ ધામ સિધાવો.