83

૮૩ - પ્રભુ ઈસુનો પ્રેમ

૮૩ - પ્રભુ ઈસુનો પ્રેમ

	૮,૬ સ્વરો
	"O my Saviour, Thy love"
અનુ. :	જે. વી. એસ. ટેલર.
૧	હે મારા તારનાર, તારો પ્રેમ છે પૂરો, છે અમર,
	તેં પ્રેમ અપાર, અનંત, અચળ, દેખાડ્યો મારા પર;
	હું મારું મન ને મારું ધન, જે હોય મારી કને,
	ને મારો જીવ ને મનનો ભાવ, સહુ સોંપું છું તને.
૨	પરાત્પરની જે યોગ્યતા હું તારામાં દેખું,
	હું તેના ઉપર ધ્યાન ધરી સહુ ભરોસો ટેકું;
	શરમનો પણ જે મરણસ્તંભ તેં રાજીથી સહ્યો,
	તે સંભારી મારો સાત્મા પ્રેમે ભરપૂર થયો.
૩	પરાત્પર દેવના રૂપમાં તું આકાશમાં પહેરતો તાજ,
	ને તારા બળથી સૃષ્ટિનું તું સહુ ચલાવતો કાજ;
	પણ આકાશ મૂકી પૃથ્વી પર તેં માણસરૂપ ધર્યું,
	ને માણસજાતનાં દુ:ખ સહી મોટું રક્ષણ કર્યું.
૪	બધી વાતોમાં માણસ થઈ તેં લીધો પાપનો શાપ,
	પણ એક જ વાતમાં ફેર હતો, કે નો'તું તુંમા પાપ;
	તેં તાજ મૂકીને શાપ લીધો, કે માણસ પામે ગુણ,
	જેમ હતો દૂર તેમ પાસે થાય, ને પાપને કાઢે પુણ.