71

૭૧ - નાતાલનું ગીત

૭૧ - નાતાલનું ગીત

	(મારા પ્રાણપ્રિય ઈસુ - એ રાગ)
કર્તા :	એમ. બી. સત્સંગી
ટેક :	મારો પ્રિય ઈસુ નાથ, જન્મ્યો પતિતોને માટ,
	પતિતોને માટ ઈસુ, પતિતોને માટ.
૧	સ્વર્ગી સુખ ને મહિમા મૂકી થયો તે બહુ લીન;
	માનવ પાપનિવારણ અર્થે જન્મ્યો નાતાલ દિન. મારો.
૨	પોઢેલો છે ગભાણ માંહે દેવ તણો એ સુત;
	સ્વર્ગી દૂતો ગીતો ગાઓ, મસીહ છે અદ્ભુત. મારો.
૩	માગી લોક ઉમંગે આવ્યા દર્શન કરવા માટ;
	બાળરાયને અર્પણ અર્પી પ્રણમે ભલીભાત. મારો.
૪	પાપ તણો અનુતાપ કરીને વિશ્વાસ રાખો, ભ્રાત;
	ત્રાતા ઈસુ ખ્રિસ્ત ખરેખર તારે માનવ જાત. મારો.
૫	હ્રદયરૂપી અર્પણ આજે માગે ઈસુ નાથ;
	મનની માંહે ગાદી સ્થાપી રહેવા સદા સાથ. મારો.
૬	નાતાલ કેરા શુભ પ્રસંગે ખ્રિસ્તી મિત્રો ઈષ્ટ
	હર્ષિત સાદે સઘળા બોલો, "જય, જય, ઈસુ ખ્રિસ્ત." મારો.