107

૧૦૭ – ખ્રિસ્તનો વધસ્તંભ: જીવનનો આધાર

૧૦૭ – ખ્રિસ્તનો વધસ્તંભ: જીવનનો આધાર

૧	અરર ! કેર આ લોક શો કરે, અમર દેવને થાંભલે જડે;
	અગમ શાસ્ત્રનો ભેદ ના કળ્યો, વગર જ્ઞાનથી થાંભલે જડયો.
૨	વધસ્તંભપે વિશ્વનો ધણી લટકતો ખીલે વેદના ઘણી;
	સખત માર, ઘા, તાપથી અરે, રુધિર ધાર જો અંગથી ઝરે.
૩	હ્રદય ફાટતું લાગણી બળે, અકથ દુ:જ્ઞે પ્રેમ હ્યાં ભળે;
	જગત પાપને દંડ એ ભરે, પતિત તારવા આપથી મરે.
૪	અધમતા ટળે, પાપ સૌ બળે, અમર જિંદગી ખ્રિસ્તમાં મળે;
	સમજ જો પડે દિવ્ય પ્રેમની, શરણ લૈ બચો ધન્ય આ ઘડી.