SA53

	ટેક - સૂણ સમરૂની નારી, વિનંતી મારી, પાણી પાને તું; રે વિનંતી મારી, જૂએ શું ધારી, થાઉં આભારી - પાણીપાને તું.
૧	પાણી પાને ઉતાવળ કરને, તરસ લાગી છે બહુ, શિષ્યો મારા ખાવા લેવાને, શહેરમાં ગયા છે સહુ રે, શું ઊભી વિચારી, કરને તૈયારી, ગાગર ભર તારી, -પાણી પાને તું.
૨	વિચાર કરને તું તારા દિલમાં, દારા બોલી છે તહીં, યહુદી સમરૂની લોકોની સાથે, વહેવાર રાખે નહિ રે; હું મનમાં સંતાપું, સાંચું કહું બાપુ, પાણી કેમ આપું ? -પાણી પાને તું.
૩	પ્રભુએ ઉત્તર આપતાં કહૃયું, સાંભળ મારી વાત, જીવનનું પાણી જાણત તુ મુંજને, માગત તું સાક્ષાત રે; જાણત જીવનનો ત્રાતા, જગતનો કર્તા મુકિતનો દાતા -પાણી પાને તું.
૪	જાણ્યો હવે તુજને મેં તો ? મિથ્યા બકે છે વાત, અમારો કુવો ઊંડો ઘણો છે, દોરી લોટો નથી સાથ રે; કયાંથી આપત તું પાણી ? નકામી વાણી, બની છું શાણી -પાણી પાને તું.
૫	જે કોઇ પીએ આ પાણીને, તૃષા કદી ન છીપાય, જીવનનું પાણી જેને આપીશ હું, તૃષિત તે નવ થાય રે; વહેશે જીવનની ધારા, સેવકમાં માર, સાંભળ તું દારા -પાણી પાને તું.
૬	દારા બોલી નમન કરીને આનંદી મનમાં થઇ, તે જળ સ્વામી આપો મનેતો, ભરવાઆવું નહિ અહીં રે; અમે જીવન જળ પીએ, રહેમમાં રહીએ, આશિષ દઇએ. -પાણી પાને તું.
૭	પ્રગટ થયો ત્યાં મસિહા પોતે, ભેદ બતાવ્યો સહુ, શુભ સંદેશો સુણી સ્વામિથી, આનંદ પામી એ બહુ રે; બની જ્ઞાનમાં ઘેલી, પ્રભુની ચેલી, સમરૂની પેલી -પાણી પાને તું.