SA441

	(રાગ : મારા પ્રાણ પ્રિય ઇસુ) ટેક: મારો પ્રિય ઇસુનાથ, જન્મ્યો પતિતોને માટે, પતિતોને માટ ઇસુ, પતિતોને માટ.
૧	સ્વર્ગી સુખને મહીમા મૂકી થયો તે બહુ લીન; માનવ પાપનિવારણ અર્થે જન્મ્યો નાતાલ દિન, મારો.
૨	પોઢેલો છે ગભાણ માંહે દેવ તણો એ સુત; સ્વર્ગી દૂતો ગીતો ગાએ, મસીહ છે અદ્‌ભુત, મારો.
૩	માગી લોક ઉમંગે આવ્યા દર્શન કરવા માટ; બાળરાયને અર્પણ અર્પી પ્રણમે ભલીભાત, મારો.
૪	પાપ તણો અનુતાપ કરીને વિશ્વાસ રાખો, ભ્રાત; ત્રાતા ઇસુ ખ્રિસ્ત ખરેખર તારે માનવ જાત, મારો.
૫	હૃદયરૂપી અર્પણ આજે માગે ઇસુ નાથ; મનની માંહે ગાદી સ્થાપી રહેવા સદા સાથ,મારો.
૬	નાતાલ કેરા શુભ પ્રસંગે ખ્રિસ્તી મિત્રો ઇષ્ટ; હર્ષિત સાદે સઘળા બોલો,"જય,જય ઇસુ ખ્રિસ્ત." મારો