100

૧૦૦ - તારણસાધક વધસ્તંભ

૧૦૦ - તારણસાધક વધસ્તંભ
૧	અરે ! આ સ્તંભની પાસે, મસીહનાં આ વગોણાં શાં?
	નર્યો ધિક્કાર ને નિંદા ! અરિનાં ક્રૂર મે'ણાં શાં?
૨	અરિના ક્રૂર ઠઠ્ઠાની, સખત વરસી રહી ઝડીઓ !
	જીવનના નાથને થંભે, ખીલાની વજૃ સમ કડીઓ !
૩	"બચાવ્યા અન્યને એણે," અરિનું એ કથન સાચું !
	છતાં નિજને બચાવ્યો ના, ખરે ! એ પણ તદ્દન સાચું !
૪	બચાવ્યો હોત પોતાને, પ્રભુએ થંભ વિદારી !
	બચી ના હોત આ દુનિયા, નરકના દંડથી ભારી !
૫	થયો ના હોત જો દુ:ખી, દરદનો ભોમિયો ત્રાતા !
	દરદ ને દુ:ખ દુનિયાનાં, કહો, શી રીતથી જાતાં?
૬	લીધું મૃત્યુ વધાવીને ! જીવન-અમૃત વહાવીને !
	ઊઠયો છે ઘોરથી ત્રાતા, અરિ સહુને નમાવીને !

100 - Taaransaadhak Vadhastambh
1	Are ! Aa stambhni paase, masihanaa aa vagonaa shaa?
	Naryo dhikkaar ne nindaa ! Arinaa krrur me'naa shaa?
2	Arinaa krrur thaththaani, sakhata varasi rahi zadio !
	Jeevananaa naathane thambhe, khilaani varja sam kadio !
3	"Bachaavyaa anyane aene," Arinu ae kathana saachu !
	Chataa nijane bachaavyo naa, khare ! Ae pan taddana saachu !
4	Bachaavyo hot potaane, prabhuae thambha vidaari !
	Bachi naa hot aa duniyaa, narakanaa dandathi bhaari !
5	Thayo naa hot jo dukh, daradano bhomiyo traataa !
	Darad ne dukh duniyaanaa, kaho, shi ritathi jaataa?
6	Lidhu mrutyu vadhaavine ! Jeevan-amrut vahaavine !
	Uthiyo che ghorathi traataa, ari sahune namaavine !