428

૪૨૮ - નવીન વર્ષ

૪૨૮ - નવીન વર્ષ

	કર્તા: દાનિયેલ ડાહ્યાભાઈ
ટેક:	નવીન વરસમાં નવીન સુદાનો હે પ્રભુ, સહુને દેજે રે,
	સહુ ઘર સહુ જન ને સહુ મનમાં વાસ કરી તું રહેજે રે.
૧	જીવન વિણના બચુ જીવોને તું જિવાડી લેજે રે,
	આત્મિક અંધાં સંધાં મનનું તિમિત ટળે તુજ તેજે રે. નવીન.
૨	ગત વરસોમાં ખોટ પડી જે તે તું પૂરી દેજે રે,
	નિજ ભક્તોને નિત્ય અમર જળ પ્રેમે પાતો રહેજે રે. નવીન.
૩	તુજ કૃપાના શુભ સંદેશા નિતનિત નૌતમ દેજે રે,
	સહુ સંતોના સુખ દુ:ખ કાળે પળ પળ પાસે રહેજે રે. નવીન.
૪	સેવક, શોધક, બોધક, લેખક વધતા વધતા દેજે રે,
	આશિષરૂપ સરિતા પેરે સહુ અંતરમાં વ્હેજે રે. નવીન.
૫	આત્મિક વૃષ્ટિ બહુ બહુ જન પર તું વરસાવી દેજે રે,
	દુષ્ટ, હઠીલાં નિર્દય મનને શ્રેષ્ઠ કરી દે સહેજે રે. નવીન.
૬	ગત વરસોનાં કડવાં દુ:ખો જેના મનમાં જે જે રે,
	હે દુ:ખભંજક, તું કરુણાથી દે વિસરાવી તે તે રે. નવીન.
૭	ને સરવે જે શુભતા તુજમાં તે તું સહુમાં ભરજે રે,
	તવ આશિષે આ અવનિને સુંદર, સુખકર કરજે રે. નવીન.
૮	સહુને તુજ અદ્ભુત પરાક્રમ તું દેખાડી દેજે રે,
	નિજ દાસોની નમ્ર વિનંતી હેતથી લક્ષે લેજે રે. નવીન.