182

૧૮૨ - ઇસુ સર્વોત્કૃષ્ટ મિત્ર

૧૮૨ - ઇસુ સર્વોત્કૃષ્ટ મિત્ર

	ગઝલ
કર્તા:	બી. બી. કુમાર
૧	જીવનના માર્ગમાં ચાલું, અહરૂનિશ ખ્રિસ્તમાં મા'લું;
	ગણું નવ પાપ હું વા'લું, સદા મમ મિત્ર છે ઈસુ.
૨	તારણદાતા ઈસુ મારો, બચાવે નાશથી પ્યારો;
	નથી તું વિણ કો આરો, અદા મમ મિત્ર છે ઈસુ.
૩	મળે ના મિત્ર તુજ જેવો, દીઠો ના અવનિમાં એવો;
	વખાણું કયાં અને કેવો? સદા મમ મિત્ર છે ઈસુ.
૪	પ્રભુજી, પાય હું લાગું, ભૂલોની માોહ સૌ માગું;
	વિભુજી, નવ તને ત્યાગું, સદા મમ મિત્ર છે ઈસુ.
૫	પ્રભુની પ્રાર્થના કરતાં, હ્રદયની અરજી ધરતાં;
	સદા સુપંથમાં રહેતાં, સદા મમ મિત્ર છે ઈસુ.