22

૨૨ – પ્રૈક ઈશ્વરની ભક્તિ

૨૨ – પ્રૈક ઈશ્વરની ભક્તિ

૧	આવ, સર્વસમર્થ ભૂપ,	ગાવા તુજ નામ અનુપ;
	સા'ય અમને આપ.
	પિતા, તું મહિમાવાન,	સર્વ ઉપર જયવાન,
	આવ, રાજા સ્તુતિમાન,	રાજ કર અમ પર !
૨	શબ્દ-સદેહ, તું આવ,	તુજ સામર્થ્ય જણાવ;
	સાંભળ અમ પ્રાર્થ.
	આવ, અમને આશિષ આપ,	તારી વાત દિલમાં સ્થાપ,
	હે ત્રાતા, તુજ પ્રેમ્ અમાપ,	રહે અમો સાથ.
૩	હે વિમળ સંબોધક,	કર વાસ દિલમાં આ તક,
	તું ઊતરી આવ.
	તું શક્તિમાન અપાર,	રાજ કર સૌ દિસ મોઝાર,
	હે આત્મા, બળ દેનાર,	તુજ બળ પ્રગટાવ.
૪	હે ત્રૈક ઈશ્વર મહાન,	કરીને તારાં વખાણ;
	હર્ષે બધાં.
	તુજ બાદશાહી દમામ,	ને તુજ મહિમાવાન નામ;
	ગાઈશું પ્રેમથી તમામ,	સ્વર્ગે સદા.