SA311

	પાડો પાપના કિલ્લા પાડી નાખો રે, (૨) શેતાની રાજને પાડો, દુષ્ટાઇનો પૂરો ખાડો, પાડો પાપના કિલ્લા પાડો રે; માન મહિમા હોજો ઇસુને સ્તુતિ પાક્રમ હોજો ઇસુને, માન, મહિમા, સ્તયુતિ પાક્રમ, સદા હોજો ઇસુને.
૧	જાગો દેવના સિપાઇઓ, યુદ્ધનો દિવસ આ છે! વૈરીઓમાં શું ઊંઘશો ? જય મળશે લડનારને; હ્યાં બેસી રહેશો મા, જૂઓ લોકને નાશ પામતા, ઊંચી કરો રે ધજા ને લડો ખ્રિસ્તને લીધે.
૨	શેતાનની સેના જુઓ, બળ ને કપટ કરતી, કોઇથી કહેવાય નહિ તેટલા, લોકને નાશ પમાડતી; સૂણો નાશની વાટ થકી, દુઃખની બૂમો મરનારી, આગળની ચાલો ઓ સિપાઇઓ, લડો ઇસુ લીધે.
૩	ઇસુના શૂર સિપાઇઓ, મુકિતની મહા સેના, ખ્રિસ્તની કીર્તી ફેલાવો, જીતો દરેક દેશમાં; જયવંત ધજા ઉડાવો, બળંવત થઇને લડો, શત્રુઓ પર ધસી જાઓ, જીતો જગ ખ્રિસ્ત લીધે.