64

૬૪ - ખુશી ખુશી છે આજ !

૬૪ - ખુશી ખુશી છે આજ !

શરણાગત :	ગરબીનો ઢાળ
(તાલ :	કહેરવા)
કર્તા :	રામસિંહ કહાનદાસ
ટેક :	ખુશી ખુશી છે આજ, ઈસુ ખ્રિસ્તે પાપી સારુ
	ખુશી ખુશી છે આજ ! જન્મ લીધો તે કાજ.
૧	આકાશી સંદેશો આવ્યો, ભરવાડોની પાસ,
	ઘેટાં કેરી રક્ષા કરતાં, કરતા ખેતર વાસ. ખુશી.
૨	પ્રકાશ તેઓ પાસે પડિયો, થયા બહુ જ ભયભીત,
	કારણ ઈશ્વર મહિમા દીઠો, જે બહુ પ્રકાશિત. ખુશી.
૩	દૂતે દિલાસો ત્યાં દીધો, બીશો નહિ, ઓ ભાઈ,
	બહુ આનંદી વાર્તા સુણો, તેની છે જ વધાઈ. ખુશી.
૪	સર્વ જનને સારુ તે તો આવી આ જગમાંય;
	ઉતાવળથી દોડી જાઓ, જાઓ શહેર માંય. ખુશી.
૫	દાઉદ કેરા શહેર મધ્યે જુઓ તારણહાર;
	લૂગડે તે વીંટાળેલો છે ગભાણમાં આ વાર. ખુશી.
૬	દૂતોની સેના ત્યાં પ્રગટી, લાવી મુક્તિવાત,
	ગગને ઊંચ સ્વરે બૂમ પાડી કીધો મોટો નાદ: ખુશી.
૭	"પરમ ઊંચામાં પ્રભુને મહિમા, પૃથ્વી ઉપર શાંત,
	માણસ મધ્યે પ્રસન્નતા થાઓ, ભાગે મનની ભ્રાંત." ખુશી.
૮	ઘેટાંપાળક દોડી આવ્યા, આવ્યા શહેર માંય;
	મરિયમ, યૂસફ, બાળક દીઠાં, હતો તબેલો જ્યાંય. ખુશી.
૯	ઘૂંટણ ટેકી સેવા કીધી, મળ્યો તારણહાર,
	નાતાલે તેહ જન્મ પામ્યો, સંભારો આ વાર. ખુશી.

Phonetic English

64 - Khushi khushi che aaj !

Sharnaagat :	Garbino dhaad
(Taal :	Kahervaa)
Kartaa :	Ramsinh kahaanadaas
Tek :	Khushi khushi che aaj, Isu khrist paapi saaru
	Khushi khushi che aaj ! Janm lidho te kaaj.
1	Aakaashi sandesho aavyo, bharvadoni paas,
	Gheta keri rakshaa kartaa, kartaa khetar vaas. Khushi.
2	Prakaash teo paase padiyo, thayaa bahu aj bhaybhit,
	Kaaran Ishwar mahimaa ditho, je bahu prakaashit. Khushi.
3	Dute dilaaso tyaa didho, bisho nahi, o bhai,
	Bahu aanandi vaartaa suno, teni che je vadhai. Khushi.
4	Sarv janane saaru te to aavi aa jagmaay;
	Utaavadathi dodi jao, jao shaher maay. Khushi.
5	Daud kera shaher maddhe juo taaranhaar;
	Lugade te vintaadelo che gabhanamaa aa vaar. Khushi.
6	Dutoni senaa tyaa pragati, laavi muktivaat,
	Gaganane uun sware buum paadi kidho moto naad: Khushi.
7	"Param uuchaamaa prabhune mahimaa, pruthvi upar shaant,
	Maanas madye prasannataa thao, bhage manani bhraat." Khushi.
8	Ghetapaadak dodi aavyaa, aavyaa shaher maay;
	Mariyam, usaf, baadak didhaa, hato tabelo jyaay. Khushi.
9	Ghuntan teki sevaa kidhi, madyo taaranhaar,
	Naataale teh janm paamyo, sambhaato aa vaar. Khushi.

Image