278

૨૭૮ - મારાં પાપ મટાડ

૨૭૮ - મારાં પાપ મટાડ

	૮, ૮, ૮, ૬ સ્વરો
	કર્તા: જે. વાલેસ
૧	હે ઈસુ, જગતના તારનાર, એકલો પાપને દૂર કરનાર;
	તારી દયા અનંત અપાર, તું મારાં પાપ મટાડ.
૨	મુજ ગારીબ પાસે નથી પુણ, પણ મારે માથે આત્મિક ઋણ;
	હે ત્રાતા, મારી અરજી સુણ, ને મારાં પાપ મટાડ.
૩	તેં સહ્યું લોક માટે મરણ, ને એમ જ કર્યું પાપહરણ;
	હે ત્રાતા, આવું તુજ શરણ, તું મારાં પાપ મટાડ.
૪	મારા પર ચઢયો પાપનો ભાર તેથી હું નરકે ડૂબનાર;
	દયાળુ ઈસુ, મને તાર, ને મારાં પાપ મટાડ.
૫	પાપથી બહુ થયો મને ત્રાસ, પણ હવે તારા પર વિશ્વાસ;
	મને ન થવા દે નિરાશ, તું મારાં પાપ મટાડ.
૬	પાપ ઉપર મને ફત્તેહ દે, આકાશમાં તારી પાસે લે;
	તો ત્યારે માગવું પડશે નહિ કે મારાં પાપ મટાડ.