468

૪૬૮ - સુવાર્તા

૪૬૮ - સુવાર્તા

	ગઝલ
	કર્તા: સુરેન્દ્ર આસ્થાવાદી
૧	સુવાર્તા દેવની વાણી, ઈસુના થંભમાં જાણી,
	પ્રભુના પ્રેમની લ્હાણી, તૃષિત આત્માતણું પાણી;
	સુવાર્તા માર્ગનું ભાથું, પતિતનું ત્રાણ એ પાકું,
	અમોલું રત્ન એ સાચું, સુવાર્તા સ્વર્ગનું નાકું.
૨	સુવાર્તા ભવ્ય આદેશો, પ્રભુનો દિવ્ય સંદેશો,
	સુવાર્તા ટાળશે દ્વેષો અને સંહારશે ફલેશો;
	સુવાર્તા સત્યની ખાતરી પ્રભુભક્તો તણી સાક્ષી;
	સુવાર્તા મોક્ષની ખાતરી અજાણ્યા સ્વર્ગની સાક્ષી.
૩	સુવાર્તા વિશ્વની શાંતિ, સુવાર્તા મિષ્ટ વિશ્રાંતિ,
	જીવનમાં લાવશે ક્રાંતિ, સુવાર્તા ટાળશે ભ્રાંતિ;
	સુવાર્તા દિવ્ય આત્માની કૃપાની પ્રેમની વૃષ્ટિ,
	ઈસુની એ અજબ વાણી, સુવાર્તાથી ભરો સૃષ્ટિ.