195

૧૯૫ - મહામૂલનું મોતી

૧૯૫ - મહામૂલનું મોતી

(રાગ:	મુખડાની માયા લાગી રે)
	ભીમપલાસ
કર્તા:	એન. જે. જયેશ
ટેક:	મોતીડું મળ્યું છે અમને રે, મહામૂલ વાળું,
	એ તો પ્રભુ ઈસુ તારું રે, છે નામ પ્યારું.
૧	આકાશે, પાતાળ માંહે, ભૂતળે ભાળોને ક્યાંયે,
	એનું એ અજબ ન્યારું રે, છે નામ પ્યારું. મોતીડું.
૨	લાખો દૂત જેની સામે, પાય જેના શીશ નામે,
	મધુર મધુર પ્યારું રે, છે નામ પ્યારું. મોતીડું.
૩	એ તો એક નામ એવું, શ્રેષ્ટ જાણે બામ જેવું,
	રૂઝ ઝટ લાવનારું રે, છે નામ પ્યારું. મોતીડું.
૪	દુ:ખના વંટોળિયામાં, રોગના આ ખોળિયામાં,
	આનંદ પમાડનારું રે, છે નામ પ્યારું. મોતીડું.
૫	છોને વાદળાં ઘેરાયે, ધોર ઘોર છો જણાયે,
	ત્યાં ચમકાવનરું, છે નામ પ્યારું. મોતીડું.
૬	મોજાં છોને છોળો મારે, વાવાઝોડાં બીવડાવે,
	સર્વ એ શમાવનારું રે, છે નામ પ્યારું. મોતીડું.
૭	લગની લાગી છે જેને, પ્રભુના નામની એને,
	હ્રદે સ્વર્ગ લાવનારું રે, છે નામ પ્યારું. મોતીડું.