436: Difference between revisions

૪૩૬ - લગ્નનું ગીત  

ભીમપલાસ

("આવ, હે દાતા, સૌ આશિષના" એ રાગે પણ ગાઈ શકાય.)

કર્તા : એમ. ઝેડ. ઠાકોર

૧ આવ, કૃપાળુ ઈશ્વર ત્રાતા, અમો પર તું કૃપા કર,

હે સકળ શુભાશિષ દાતા, આત્માઓમાં આશિષ ભર,

તેં સહુ માનવજાતને હિતાર્થ લગ્નનેમ કીધો સ્થાપિત,

અમે એમાં જાણી શુભાર્થ તુજને સ્તવીએ ઘટિત.

૨ તેથી, હે દયાળુ તારનાર, સુણ અમારી નમ્ર પ્રાર્થ,

હમણાં જે શુભ લગ્ન થનાર તે પર દેજે આશીર્વાદ;

આ વર ને કન્યા પરસ્પર આવ્યાં કરવા હસ્તમિલાપ,

માટે કૃપાથી થા હાજર ને તેઓને આશિષ આપ.

૩ ખ્રિસ્ત, તેં કાના ગામે જઈને લગ્ન દીપાવ્યું અપાર,

એ જ રીતે હ્યાં હાજર થઈને આ શોભાને તું વધાર,

અમારાં આદિ માતપિતા જોડાયાં શુભ લગ્નમાંય,

તેમ આ સ્ત્રી ને પુરુષ આજે ગાઢ પ્રીતિ થકી જોડાય.

તેમને જીવન ગાળવા સુપેર, હે શુદ્ધાત્મા, દેજે સહાય,

એ જ છે આજની પ્રાર્થ અમારી તે સુણી કર અંગીકાર.