179

૧૭૯ - ઈસુ એ જ સગું

૧૭૯ - ઈસુ એ જ સગું

કર્તા:	એન. જે જયેશ
ટેક:	સગું મારે ઈસુ છે વા'લામાં વા'લું, સગું મારું સર્વ હું તેને જ ભાળું.
૧	નથી કોને સાથી સહોદાર એવો,
	મળ્યો મને ઈસુ મસીહા જ જેવો,
	નથી કોનો પ્રે . અજાયબ એવો,
	નિહાળું અખંડિત તેહમામ જેવો.
૨	દુ:ખેસુખે પાસમાં પાસ રે'નારો,
	વિપત્તિમાં હિમ્મ્ત, સા'ય દેનારો,
	માઠી વેળા આશ્રય તે એક મારો,
	વીરો મારી વા'રે સદા ચઢનારો.
૩	જેને પ્રભુ ઈસુ જ એક સગું છે,
	તેને જગમાં ઓછું કશું પણ શું છે?
	કાંજે બધું વિશ્વ આ તો તહનું છે,
	સગું તે વિના સહુ વ્યર્થ બધું છે.
૪	ધન્ય જેને ખ્રિસ્ત તણી જ સગાઈ
	તરે આ ભવસાગર તે જન સદાઈ,
	મળે એને શાશ્વત જીવન, ભાઈ,
	મળે સાથ સ્વર્ગ, નહીં એ નવાઈ