160

૧૬૦ - ઈસુ મારો પ્રીતમ

૧૬૦ - ઈસુ મારો પ્રીતમ

	"I’ve found a friend in Jesus"
Tune:	S. S. 104
કર્તા:	સી. ડબ્લ્યુ. ફ્રાઈ
૧	ઈસુ છે મારો મિત્ર, તે મારો છે પ્રીતમ;
	છે બીજા સૌ કરતાં મને વહાલો.
	છે ખીણોની ગુલછડી, ને સૌ કરતાં ઉત્તમ;
	શુદ્ધ કરીને સાફ રાખે છે મન મારું.
	દુ:ખમાં દે છે દિલાસો, સંકટમાં રાખે સ્થિર;
	ને કહે છે મજ પર નાખો સૌ ચિંતા.
ટેક:	છે ખીણોની ગુલછડી, પ્રભાતનો તારો તે;
	મને વહાલો લાગે બીજા સૌ કરતાં.
૨	દુ:ખ મારું તેણે લીધું, ને વેઠયો છે કલેશ;
	પરીક્ષણ મધ્યે મારો છે કિલ્લો.
	મેં તેને કાજ સૌ તજ્યું, સૌ મૂર્તિઓ વિશેષ;
	અને હાલ તે સાફરાખે છે દિલ મારું.
	સૌ સંસાર મને મૂકે ને શેતાન કરે જોર;
	પણ કદી નહિ તજીશ મારો ત્રાતા.
૩	મને તે તજનાર નથી, કદી નહિ કરશે ત્યાગ;
	જ્યાં લગ વિશ્વાસથી માનું તેની વાત.
	તે મારી સંભાળ માટે ચોફેર રાખે છે આગ;
	મને સ્વર્ગી અન્ન ખવાડી રહે છે સાથ.
	પછી સ્વર્ગમાં બેસી હું જોઈશ તેનું મોં;
	જ્યાં સુખ શાંતિની વહે છે સરિતા.