134

૧૩૪ - પ્રભુ ઈસુનું પુનરુત્થાન

૧૩૪ - પ્રભુ ઈસુનું પુનરુત્થાન

	નીલ અથવા વિશેષ વિશેષ છંદ
	"Blest morning"
કર્તા:	આઈઝેક વાઁટ્સ, ૧૬૭૪-૧૭૪૮
અનુ. :	એમ. વી. મેકવાન
૧	દિવ્ય ઉષા ઊગી આદિતની સુપ્રકાશ ભરી,
	જીતી ઊઠયો પ્રભુ પુત્ર અહા! ક્રૂર કાલવરી !
	મોત ભયાનક સાથ મહા, મલયુદ્ધ કરી!
	ઘોર તજી પ્રભુ ખ્રિસ્ત ઊઠયો, જીત પૂર્ણ વરી!
૨	ગંભીર ઘોરની નીરવતા ટળી કંપ થતાં,
	પા'ણ ગયો દૂત ત્યાં દૂત ઊતરતાં !
	સ્વર્ગ તણાં શુભ દ્વાર ખૂલ્યાં, પ્રભુજી ઊઠતાં !
	ધન્ય ખરો દિન! હર્ષ કરો, પ્રભુને ભજતાં.
૩	વ્યર્થ કીધાં ક્રૂર નર્ક અને વળી મોત સદા,
	ઉજ્જવલ જીવનની પ્રગટી શુભ જ્યોત સદા!
	પુનિત પુનરુત્થાન તણો જય પૂર્ણ થયો,
	બંધન સર્વ ગયાં તૂટી આ, રિપુ નષ્ટ થયો.
૪	હે પ્રભુ, સ્તુતિ સદાય થજો તુજ નામ તણી,
	માન અમે દઈએ સ્મરતાં, તુજ રે'મ ઘણી.
	સાક્ષી થઈ જગતારકના શુભ સર્વ પળે,
	વિજય આદિતનો વદિયે, સહુમાં સઘળે.
૫	સ્વર્ગ, ભૂમંડળ સર્વ તમે, જયગાન કરો,
	ગિરિ અને જલનિધિ મહા, જયનાદ ઘરો.
	સ્તોત્ર કરો, સહુ ખ્રિસ્ત તણાં, શુભ યજ્ઞ થયો,
	તારણ ને જીવનામૃતનો અધિરાજ રહ્યો.