126

૧૨૬ - પ્રભુ ઈસુનું પુનરુત્થાન

૧૨૬ - પ્રભુ ઈસુનું પુનરુત્થાન

કર્તા :	એલ. જે. ફ્રાન્સિસ
	(સિયોની)
૧	આનંદે ઉલ્લાસી અખિલ અવનિ આ વારી,
	આજ પ્રભાતે ઊઠયો ઈસુ મૃત્યુને વિદારી.
	મહા મૂલવાન જીવન અર્પી અવનિ ઉગારી,
	મૃત્યુ જીત્યો માનવ કાજ ઘોર ઉઘાડી.	આનંદે.
૨	જીતી શત્રુ શેતાન આજે મૃત્યુ હરાવી,
	તોડયો મૃત્યુ ડંખ, કાઢી ઘોરની જયકારી,
	સ્વર્ગીય ઘર કેરી વાટ ખ્રિસ્તે ઉજાળી,
	દિવ્ય અજવાળાની જોત માર્ગે બતાવી.	આનંદે.
૩	ઝૂલે સૃષ્ટિ સારી આજે હૈયાં ઉજાળી,
	ઊઠે ભ્રમર, પુષ્પમાંથી પાંખ ગુંજાળી.
	ઈશવાણી સુણ મધુર, રે તત્કાળી !
	પામી અનંતજીવન, ચાલ વાટ રૂપાળી.	આનંદે.