98

૯૮ - ગેથસેમાને બાગમાંનું હ્રદયદ્રાવક દ્રશ્ય

૯૮ - ગેથસેમાને બાગમાંનું હ્રદયદ્રાવક દ્રશ્ય

રાગ :	ભૈરવી
કર્તા :	આર. કે. પાન્થ
૧	આસપાસ ભલી વૃક્ષલતા જ્યાં, ખ્રિસ્ત ગુરુવર ધ્યાન ધરે,
	જેનું મન ઈશ્વરમાં મ્હાલે, જે મનવાંછિત પૂર્ણ કરે;
	એવા સ્થાન વિશે માનવને, નૌતમ મીઠપ બોધ મળે,
	વૃથા ગયાં જીવન તે નરનાં, જેનાં હ્રદયો ના પલળે !
૨	જ્યાં પરિશ્રમથી સ્વેદ રક્તનાં, વહી શ્વે પુલકે પુલકે,
	જ્યાંથી પૂર્ણી પરાક્રમ પામે, સંતો અમી શાં અણખૂટયે;
	શોણિતની એ ઝરતી ધારે, આશિષવૃષ્ટિ મળે મળે !
	વૃથા ગયાં જીવન તે નરનાં, જેનાં હ્રદયો ના પલળે !
૩	સ્વર્ગભુવનનો રાજ વિધાયક, હ્યાં કંઈ કંઉ ઉર કષ્ટ કરે,
	જેને ના કંઈ ખોટ કશાની, તે દીન મુખે દ્રવે અરે !
	અનાદિ, અનંત, અમર, અધિષ્ઠાતા, પરાંગ થઈ પ્રભુતા પરહરે!
	વૃથા ગયાં જીવન તે નરનાં, જેનાં હ્રદયો ના પલળે !
૪	"જાગૃત હો ઓ બાન્ધવ મારા ! અ છેલ્લી પળના ત્યજશો,"
	"નિદ્રાથી શત્રુદળ સ્હામે, સ્થિર કદાના રહી શકશો;"
	"દિવ્ય પિતાને સ્મરજો વ્હાલા ! તેનો આશરો પળે પળે,"
	"વૃથા ગુમાવી અણમૂલી પળ, રડશોના જઈ સ્થળે સ્થળે!"